6.
Najoqqutat
Pisortat aningaasaqarnerat pillugit kisitsisitigut paasissutissani najoqqutat assigiinngitsut Kalaallit Nunaanni pisortat aningaasaqarnerannik naatsorsuutit suliarineqarnerannut ataqatigiissaarneqarlutik atorneqarput. Najoqqutat pingaarnerit tassaapput kommunini naatsorsuutit, nunap karsiata naatsorsuutai aamma qallunaat ministeriaasa aningaasat atugaat Kalaallit Nunaanut attuumassutillit. Aamma suliffeqarfiit naatsorsuutaat atorneqarput. Kisitsisit paasissutissat pingaarnerit pigineqanngikkaangata ilanngussat atorneqartarput. Assersuutigalugu pigisanik nalilinnik atuinermik naatsorsuinermi.
2018-imi
pisortat naatsorsuutaat pisortat ataatsimut kontoplaneqalernerisa
kingunerisaannik allanngortinneqarput. Taamaalilluni piffissaq ungasinnerusoq
eqqarsaatigalugu kommunit aamma Namminersorlutik Oqartussat assigiissaarnerusumik
kontonut inissiisalissapput. Kommuneqarfimmit
Sermersuummit januaarimi 2018-imi kontoplan tamanut
atuuttussaq atorneqalerpoq. Namminersorlutik Oqartussanit aamma Qeqqata
Kommunianit 2019-ip allartinnerani atorneqalersoq, naatsorsuutigineqarpoq
kommunit sinnerisa ukiuni tulliuttuni atulerumaaraat.
Kontoplanip
nutaap atulernera pisortat aningaasaataat pillugit kisitsisitigut
paasissutissiornermut annertunerusumik sunniuteqartussaanngilaq.
Taamaakkaluartorli 2018-imut Kommuneqarfiup Sermersuup naatsorsuutaanik
misissuinermi paasinarsivoq, kontoplanimi nutaammi itisiliinnerit ilaatigut annikillisimasut, tamanna pivoq
naak amerlanertigut kontoplanimi nutaammi itisiliinnerit annertusigaluartut.
Kontoplanimi itisiliinnerit annikilleriartut
tassaanerupput COFOG-kodit suliaqarfinnut
agguataarinernut atorneqartartut. 2018-imiit 2019-imut allanngornerit ersarippallaarnavianngikkunarput. Kisianni 2020-miit,
naatsorsuutit tamarmik kontoplani ataaseq atorlugu
suliarineqartalerpata tamanna kisitsisit 1994-imiit 2017-imoortut
nikeriarujussuarnissaat ersarinneruleratarsinnaavoq.
Tamanna ingerlaavartumik Naatsorsueqqissaartarfimmit
nalilersorneqartarumaarpoq.
Kisitsisit
uani saqqummersitamiittut siornatigut saqqummersinneqartartunit iluarsaassinerupput.
Aningaasarsiorneq tunngavigalugu agguataarinerit aamma COFOG-kodit
malillugit sumut tunnganerinik agguataarinerit misissornissaat aamma assigiissaarnissaat
iluarsaassinermut tunngaviupput. Kisitsisit iluarsaanneqarput 1994-imiit
2017-imut, kisitsisillu 2018-imeersut assinganik suliarineqarlutik.
Aningaasarsiorneq
tunngavigalugu agguataarinermi kodit uku assigiissaarneqarput:
Isertitat
eqqarsaatigalugit, ungaluutini isertitanut kodi
aningaasarsiorneq tunngavigalugu agguataarinermi eqqortuuvoq:
· Ernianit assigisaannillu isertitat
(3.1.)
· Iluanaarut (3.2)
· Aningaasaateqarfinnit tapit (10.2)
· Aningaasaateqarfinnit
aningaasaliissutinut tapit (13.2)
Aningaasartuutit eqqarsaatigalugit,
ungaluutini aningaasartuutinut kodi aningaasarsiorneq
tunngavigalugu agguataarinermi eqqortuuvoq:
· Pisortat
ingerlatseqatigiiffiutaanut immikkut inatsisitigut akissaaffimmik
tunineqarsimanngitsunut tapit (8.1)
· Suliffeqarfinnut allanut tapit (8.2)
· Angerlarsimaffinnut tapit (9.2)
· Aningaasarsiutiginagu namminersortunut tapit
(9.3)
· Aningaasaliissutit ataavartussat nutaat (12)
· Illunik, sanaartorfigissaanernut
assingusunullu pisineq (13)
· Nunanik piginnittussaanermillu pisineq (15)
· Suliffeqarfinnut aningaasaliineq
(aningaasatigut ajutoorneq ilanngullugu) (17.2)
· Angerlarsimaffinnut aningaasaliineq
(aningaasatigut ajutoorneq ilanngullugu) (17.4)
· Aningaasarsiutiginagu namminersortunut
aningaasaliineq (aningaasatigut ajutoorneq ilanngullugu) (17.5)
Taakku saniatigut Namminersorlutik
Oqartussat aningaasaliissutinik kommuninut aningaasartuuteqarput.
COFOG-kodit malillugit suliaqarfinnut
agguataarinermi ataani allassimasut immikkut assigiissarneqarput, ungaluutini COFOG-kodi eqqortuuvoq:
· AEB-mit tapersiissut (1.1)
· Sulinermut isumaqatigiissutinut akileraarutit
(1.1)
· Eqqartuussutit suliareqqitassanngortitat
suliarinerinut aningaasaliissutit. Unammilleqatigiinnermut ataatsimiititaliaq
(1.1)
· Isertitanit akileraarutinik annaasaqarneq (1.1)
· Suliffeqarfinnit piginneqatigiiffiusunit
annaasaqarneq (1.1)
· Ilinniaqqinnernut aningaasaliissutit (1.3)
· Namminersorlutik Oqartussat qitiusumik
allaffiat (1.3)
· Sillimmasiisarfinnit taarsiissutit aamma
sillimmasiinerit (1.6)
· Qaartoornermi annaasat, ikuallanneq
upalungaarsimanerlu (3.1)
· Aatsitassanut Aqutsisoqarfik
(4.4)
· Kommunit illuutaat (6.1)
· Illorpumut aningaasartuutit tamakkerlugit
(8.2)
· Oqaasileriffik (8.6)
· Atuarfeqarneq (9.1-9.4)
· Oqaatsinik pikkorissarfik (9.4)
· Kolligietut atugassanik attartorneq (9.5)
· Ilinniartitaanermut allaffissornikkut aqutsineq (9.5)
· Ilinniarfinni EDB-imik
atuineq (9.5)
· Ilinniartitaanermut pilersaarutit (9.5)
· Innarluutillit pillugit aningaasartuutit (10.1)
· Inunnik isumaginninnermut pikkorissarnerit
aamma ilinniaqqinnerit (10.7)
COFOG-kodit COFOG-hovedgruppeni
eqqortumik atorneqarnersut eqqarsaatigalugit ataasiakkaanut aamma ataatsimoortunut
aningaasartuutit immikkut iluarsaaneqarput. Taakku suliarinerinut, pisortat
aningaasaataasa nuna tamakkerlugu naatsorsuutinit atorneqarsinnaanissaat,
pissutaavoq annerpaaq.